Saz aləti ilə tanışlıq
|
Müəllim ilk dərsdə şagirdi saz aləti ilə tanış etməlidir. O, əyani olaraq sazın bütün hissələrini bir-bir göstərməli, hər bir hissə haqqında ayrılıqda məlumat verməli və onların vəzifələrini aydınlaşdırmalıdır. Bundan sonra sağ və sol əlin vəzifələrini və hərəkətini izah etməlidir. Belə ki, sağ əldə mizrabın tutulma qaydası, sol əldə isə barmaqların pərdə üzərində hərəkəti göstərilməlidir. Sazlar ölçülərinə, pərdələrin və simlərin sayına görə üç yerə bölünür: 1. Cürə saz 2. Ana saz 3. Tavar saz (meydan sazı)
|